കണ്ടോ നീ?

Sunday, May 2, 2010


kando nee? | Music Codes

Singer: Aishwarya Sumesh
Lyrics: Sumesh Chandran
Singing Date: 16/04/2010


പാടവരമ്പില്‍ ഓടിനടക്കും
കുറുമ്പന്‍ കുഞ്ഞാടേ...
നിന്നുടെ മുതുകില്‍ കയറിയിരിയ്ക്കും
കുരുവിക്കുട്ടിയെ കണ്ടോ നീ?


പൂവിന്നുള്ളില്‍ മധുവതുതേടും
കൊതിയന്‍ കരിവണ്ടേ...
നിന്നുടെ കാലില്‍ പതിഞ്ഞിരിയ്ക്കും
സ്നേഹപൂമ്പൊടി കണ്ടോ നീ?


ചറപറയങ്ങനെ ചാറിപ്പോകും
കള്ളന്‍ മഴമുകിലേ...
നിന്നുടെ മാറീല്‍ വര്‍ണ്ണംതൂവും
മഴവില്‍ക്കാവടി കണ്ടോ നീ?


പച്ചപ്പൈയ്യുകള്‍ ചാടിനടക്കും
കറുകപ്പുല്‍ക്കൊടിയേ...
നിന്നുടെ ഇലയില്‍ തിളങ്ങിനില്‍ക്കും
മഞ്ഞിന്‍തുള്ളിയെ കണ്ടോ നീ?


മാവിന്‍കൊമ്പില്‍ കൂകിവിളിയ്ക്കും
കറുമ്പിക്കുയിലമ്മേ...
നിന്നുടെ പാട്ടില്‍ ആടിത്തിമര്‍ക്കും
ഓലഞ്ഞാലിയെ കണ്ടോ നീ?